كيفاش نختار شريكة حياتي - الحب و الزواج الجزء الثاني

الجزء الثاتي 
الحب و الزواج باللهجة التونسية 

       كيفاش نختار شريكة حياتي

🔸تختار ليتناسبك .. أما كفاه لي تناسبك .. نقصد إلي تحس بروحك مرتاح معاها نفسيا ...
🔸تخار لي تحس بيها قابلاتك علي طبيعتك كيما أنت يعني إلي متستحقش تتلون قدامها حتي ترضي بيك
🔸 تشوف لي تحس بيها تعاملك بطبيعتها و صافيه في مشاعرها معاك .. ما تخبي عليك شي و كل شي تعرفوا عليها و أنت زادا تكون صافي معاها و تكونوا واضحين و صرحين من لول حتي يتبنى كل شي علي وضوح و على ثقه متبادل بين الطرفين
🔸 تختار لي تحس بيها بالحق فرحانه كي تكون معاك و لي ديما  تسأل عليك كي تغيب عليها
🔸 تختار البني لي بالحق تحس إنها مستعد تضحي بكل شي حتي تعيش معاك و إذا شفت هذا فيها ننصحك رد بالك تخسرها
🔸شوف لبني لي تنصح قيك لأنوا كيما يقولوا لكبار ما ينصحك كان لحبك
🔸إختار لبني لي تكون وفية و صادقه معاك
🔸 إختار لي تغير عليك
🔸 تختار لي كي تكون معاها تنسي حاجه إسمها الوقت و تتمني أنوا الساعه تولي ساعتين و النهار يولي نهارين
🔸 تختار  لي تضحك كي  تفدلك معاها  حتي لو كانت تفدليكه  بسيطه و بالحق لي يحب حد يشوف كل حاجه تخرج من فموا عسل و كل فغل يقوم بيه عظيم و كل حركه يبادر بيها ميزه  إسمعنيو إسمعني خويا  و  إلي يكره حد يبدا يشوف في كل كلمه يقولها و تخرج من فمي  خايبه و موش في بلاسطها و يخرج ألف عيب فيها و كل فعل يقوم بيه يطلع فيه ألف مشكله  و كل حركه يبادر بيها يعتبرها  تقليد و موش خارجه عليه
🔸 ثما بنات تنجم تتلون و بالحق كيما برشا رجال و هاذا واقع حتي كان معجبناش لكلام هذا ...  يتلونوا حتي يقضيو مصلحتهم ممبعد يتلفتوا غادي و يعملوا رواحهم ما يعرفوكش ا لذا أنت رد بالك و الفئه هاذي لازم تاخذ حذرك منهم لأنهم ينجموا يوصلوا للعرس علي  خاطر المصلحه هاذا إذا كنت لاباس عليك و عندك برشا فلوس و إلا إذا كنت مشهور و إلا عندكك نسبة جمالكبيره و ملحوظ أما علاش نقلك  رد بالك منهم لأنك قاعد تلوج علي شكون باش تعيش معاها بقية  عمرك لي باش تقابلها صباح قايله و لعشيه و في ليل لأنك باش تختار لي باش تقاسمك حياتك و دارك و  ماكلتك و حتي  فراشك  لأنك باش تختار لي كي ترجع لدار و قلبك معبي م هموم الدنيا تلقي شكون يسمعك و خفف عليك الحمل لي هازوا لأنك باش تختار شكون لي قاسمك حزنك و فرحتك
🔸 خليك جدي و ماتلعبش ببنات الناس و كي تقولها ناوي عالخير ماتخش بيها و كي تقولها لازمك واثق إلي هيا المناسه ليك و هي زادا تشوف فيك المناسب ليها
🔸 مانقلكش خوذ كان مالطبقه متاعك و ٱلا الحي متاغك و إلا الجهه متاعك و إلا حتي من عايلتك .. لا منقلكش لأن المكتوب متعرفش عليه علي شكون يجيك ينجم يكون علي أقرب الناس ليك  بنت عمك و إلا علي بني مش من بلادك و إلا مش من دولتك أصلا المهم المهم تكونوا راضيين علي عيوب بعضكم .. غلاه قتلك عيوب لأنوا الحاجه الباهيه فيك  الناس الكل تقبلها أما الحاجه لي تنفصك ما يشوفهاش لي يحبك لكن يشوفها كان لي يكرهك

المقاله التاليه على كيفاش تتعامل مع لي تحبه و فيهم زوز حاجات مهمين برشا لازمك تعرفهم


أجزاء الموضوع 
المقالة الأولى  : شنوا الحب الرابط هنا
المقالة الثانية :  كيفاش نختار شريكة حياتي الرابط هنا
المقالةب الثالثة : كيفاش نتعامل مع لنحبوا الرابط هنا
المقالة الرابعة : أهم حاجه لازمها موجوده بين المحبين  الرابط هنا
المقالة الخامسة : حاجات مهمه تعبر بيها عن حبك الرابط هنا 

نرجوا أن تكون قد إستفدت من هذه المقالة و  لا تنسوا أن  تطلعوا على المقالات التالية و أيضا المقالات السابقة و إن كان لديكم  بعض الإستفسارات و الأسألة في هذا الموضوع أو في غيره من المواضيع المنشورة في هذا الموقع  فنحن في خدمتكم و سنجيبكم في كل وقت