كيفية تحسين مهاراتك الصوتية
الجزء الأول
مقالة باللهجة التونسية
كيفاش نخدم على صوتي و نحسنه
كيفاش يولي صوتي جذاب و واضح
كيفاس نحكي مرتاح قدام الجمهور
أول حاجه لازم تعرفها لي 🔸 صوتك حاجه ثابته كيما أي حاجه في جسمك ما تنجمش تبدلوا كي اليد و الرجل و الأنف و الأذن علي خاطرو يجي من الأحبال الصوتية و هو متعلق بطولها و رقتها و هي حاجه طبيعية تتولد بيها و نبرة صوتك ميزه خاصه بيك من دون الناس الكل لكن ثما برشا ناس ماهيش راضيا على صوتها و تلقاها تتجنب لحديث قدام الناس و حتي كي يحكو تلقاهم يحكيو بشوي لكن هذا دليل علي نقص ثقتهم بأنفسهم موش حكايه راضي و إلا موش راضي على صوتوا
و الصوت 🔸نقلكم حاجه 🔸هو وسيله حتي توصل لكلام و الميساج و ما هوش هو بيدوا الهدف و خلي في بالك إلي الهدف هو الميساج لي تحب تقولوا و الفكره لي تحب توصلها
🔸 صحيح الصوت ما يتبدلش لكنك تنجم تخدم عليه و تحسنه و تخليه يخرج بأفضل طريقه ممكنه و بمهارات قويه حتي توصل الرسائل للناس بسهوله و يكون التأثبير عليهم أقوي
الطريقه لولا هيا التحكم في التنفس يعني أول حاجه تأثر في الصوت هي التنفس و هذا تلاحظوا برشا كي تبدا تحكي قدام جمهور و إنت مرتبك تحس باللي صدرك بدا يضيق و تتنفس بصعوبه و هذا لي خلي صوتك يولي ضعيف و متقطع و يخرج بعسر
قبل ما نقول على الحل نحب نحكي علي التنفس 🔸 التنفس يصير في مستوى الصدر و في الرئتين بالتحديد يعني الصدر في حالة إنتفاخ و إرتخاء مع دخول و خروج الهواء أما نحنا ماناش مركزين على الجانب هذا ولكن التركيز على مستوى البطن لأنوا الأطباء النفسانيين و الدراسات المتعلقه بالصوت يربطوا خروج الصوت بأريحية من خلال حركة البطن خلال الشهيق و الزفير نزيدوا نفسروا أكثر يعني منيم يدخل الهواء لرئتيك و أنت في نفس الوقت تمد في بطنك لقدام تعطي مساحة أكثر حتي تمتد فيها الرئتين و بالتالي تخفف أكثر من ضغط الصوت و إتخليه يخرج بأريحية على خاطر الصوت مرتبط بكمية الهواء الموجوده في الرئتين
من اليوم لازم تتعود تحرك بطنك بتناسق مع التنفس
بعدما تعرفنا على طريقه لتحسين الصوت باش تكون المقاله التاليه على التركيز على محتوالحديث و كيفاش تغنبه بمعلومات و أفكار جديده و كيفاش تكون مثقف في كلامك و تفكيرك
ليست هناك تعليقات:
إرسال تعليق