ثاني حاجه مهمه تعبر بيها على حبك - الحب و الزواج - الجزء الخامس

                       ثاني حاجه مهمه تعبر بيها على حبك

الجزء الخامس
الحب و الزواج بللهجة التونسية

الحاجه لُخره لي تساهم و تقرب المحبين أكثر لبعضهم و نافعه برشا برشا برشا حتي  تعبر بيها علي حبك هي الهديه و تنجم تقيس على روحك يعني كي واحد يعطيك هديه قداش هي السعاده لي تدخل علي قلبك و قداش هي قيمة لي عطاك لهديه بتطلع عندك 💜
و الهديه معناها لي أنا صحيح موش معاك أما نفكر فيك  و جبتلك الحاجه لي  تحبها 💛
و أنت قبل ما تجيب لهديه لازم تعرف لبني و إلا الازم تعرفي لولد شنوا الحاجات لي تحبهم و إلا يحبهم
أما ستناني لحظه برك ،،، الهديه موش لازم تكون غاليه لهديه تتقاس على القيمه متاعها في قلب لبتهديهالوا مثلا مراتك كي ترجع لدار و تشريلها  نوعية الشكلاطه  لي تحبها  و إنتي زاده أختي كي تشريها  لزوجك و تعطيهالوا و البسمه في مرسومه على فمك توا تشوفي كيف بيبان قلبوا الكلها تتحلك و يبدا يحاول يسعدك هو زادا بحاجات كان ماشي في بالك لي هو صعيب يوفرهالك و هذي حاجه مجربه و ناجحه 👍
هي  ساعات بحاجه بسيط  بالنسبه ليك وما تتكلفش  تنجمي تكسبي  قلب الراجل و إلا لمرا بكل سهوله و ما ننسوس لهديه المعروفه برشا في المسلسلات و الأفلام  و لي هي الورد و راهي بالحق راهي عندها أثر كبير على قلب لمرا و زيد  ثما برشا نساء و بنات يحبوا و يعشقوا حاجه إسمها ورد خاصة إذا كان من شخص قريب و عزيز عليهم 💙 لذلك لازمك تستغل الفرصه هذي و تحاول تهديلها لمرتك و إلا لبني لي تحبها  ،، يعني نهار مانهارات ميسالش حق سندويتش و إلا باكوا دخان إشريه لمرتك  حاجه و لو بسيطه و إرسملها البسمه علي فمها و إكسب قلبها
و كيما مثال إقبيله عندنا مثال آخر لبني صغيره سألوها كيفاش أمك تخلي  بوك يحبها أكثر قالت لي كي يرجع بوها لدار تناديها أمها و  يعملولوا قهوه و تذوقها أمها قبل تتطمن لي هيا باهيا و تهزهالوا و الفعل هذا و لو أنوا بسيط لكنوا بالحق عندوا معاني كبيره في قلب الراجل في اللحظه هذيكا يحس بلي عندوا مرا بالحق حاس بيه و بخدمتوا و مهنيا عليه و بالتالي  عندوا كنز في الدار  مالزمش يفرط فيه ،، و لو ماحستيش بشي هذا علي لسانوا  لكنوا بالحق في قلبوا يحس بيه و موجود و يخرج علي تصرفاتوا معاك


أجزاء الموضوع 
المقالة الأولى  : شنوا الحب الرابط هنا
المقالة الثانية :  كيفاش نختار شريكة حياتي الرابط هنا
المقالةب الثالثة : كيفاش نتعامل مع لنحبوا الرابط هنا
المقالة الرابعة : أهم حاجه لازمها موجوده بين المحبين  الرابط هنا
المقالة الخامسة : حاجات مهمه تعبر بيها عن حبك الرابط هنا 

نرجوا أن تكون قد إستفدت من هذه المقالة و  لا تنسوا أن  تطلعوا على المقالات التالية و أيضا المقالات السابقة و إن كان لديكم  بعض الإستفسارات و الأسألة في هذا الموضوع أو في غيره من المواضيع المنشورة في هذا الموقع  فنحن في خدمتكم و سنجيبكم في كل وقت