اهم شيئ يجب أن يكون موجودا بين المحبين - الحب و الزواج - الجزء الرابع

                اهم شيئ يجب أن يكون موجودا بين المحبين 

الجزء الرابع 
الحب و الزواج بالهجة التونسية 

أهم حاجه لازمها تكون موجوده بين المحبين

من الحاجات لي يلزمها تكون عندك منيم تكون قاعد مع لبني لي تحبها هي المعية أما  شنيا المعيه
🔸 المعيه هي وقت لتكون مع شريكة حياتك تكون قاعد حاظر معاها بالكامل بدنك و عقلك و تركيزك  و بفكرك و تكون فايق ، تسمع و تشوف و تميز و تعيش معها الوقت كامل
لغة المعية ممكن تفوق بيها من خلال إختلاف تصرفات بين  زوز متزوجين و زوز يحبوا بعضهم أما موش متزوجين ، مثلا في مطعم تلقا لي بني و ولد يحبوا بعضهم  كي يكونوا  قاعدين في المطعم تحس لي هما موش جايين حتي ياكلوا لا هما جايين يحبوا يقضيو الوقت مع بعضهم يعني غايتهم يقعدو مع بعضهم و يحكي مع بعضهم و الماكله هي وسيله فقط بحيث تتبدل طريقة الأكل متاعهم يعني هما في دارهم ياكلوا كيما يجي و ممكن لي جي أما مع بعضهم تتبدل هو ياكل هي تتفرج عليه هي تاكل و هو يحكي معاها متجانسين في حركاتهم و يحكيو مع بعضهم و الماكله ممكن تكون آخر حاجه يخمموا فيها أما أغلب المتزوجين تلقاهم أول حاجه ما يحكيوش مع بعضهم برشا ما يشوفوش لبعضهم  الحاجه لخره  الماكله من الأولويات موش متجانسين مع بعضهم يعني وين الحب كيفاش بنعيشوا اللحظه هذي و حنا مع بعضنا وحدنا نطمن عليك و نحكيو
🔸بني سألوها كيفاش عرفتي لي أمك و بوك يحبوا بعضهم قالت في يوم الأحد و في العطل يفطروا مع بعضهم الصباح و قبل ما يتلاقوا علي لفطور يلبسوا حاجه باهيا قدام بعضهم و يعملوا برفان


يعني من خلال الموقف هذا نشوفوا كيفاه مهتمين بالجزئيات هذي علي خاطرهم يحب بعضهم و  زيداللحظه لي تكون فيها مع زوجتك و أنت ما لاهي بحتي شي لا تلفون لا كتاب لا جريده أما لاهي بيها هي برك تزيد تقربكم لبعضكم علي حاطر أنت عايش معها الوقت كامل و هكا صور من صور المعية يعني كي تكون موجود معاها و تفكيرك في بلاصه أخري و لاهي بتلفونك و إلا تقري في حاجه و  التصرف هذا يرجع سلبيا علي زوجتك يعني أنك ماكش لاهي بيها و ماكش مهتم بيها و هنا تولي تخسر مفهوم المعيه و هذا ينطبق علي المرا زاده كي تكون مع راجلها و المعيه حاجه ضروريه برشا بين المتزوجين على خاطر فيها ميساج بطريقه غير مباشره لي أنا مهتم بيك كان أنتَ و إلا أنتِ و معنديش حاجه نقدمها عليك في كل لحظه في حياتي




أجزاء الموضوع 
المقالة الأولى  : شنوا الحب الرابط هنا
المقالة الثانية :  كيفاش نختار شريكة حياتي الرابط هنا
المقالةب الثالثة : كيفاش نتعامل مع لنحبوا الرابط هنا
المقالة الرابعة : أهم حاجه لازمها موجوده بين المحبين  الرابط هنا
المقالة الخامسة : حاجات مهمه تعبر بيها عن حبك الرابط هنا 

مواضيع في نفس السياق
طريقة تجعلك تتخلص من جميع المشاكل مع إبنك المراهق

ما سبب تمتع المرأة بتفكير أحسن من الرجل

تربية الأبناء و طريقة تجعلك أنت و إبنك تحبان بعضكما جدا

أربعة أشياء تجعل زوجي يحبني بجنون

نرجوا أن تكون قد إستفدت من هذه المقالة و  لا تنسوا أن  تطلعوا على المقالات التالية و أيضا المقالات السابقة و إن كان لديكم  بعض الإستفسارات و الأسألة في هذا الموضوع أو في غيره من المواضيع المنشورة في هذا الموقع  فنحن في خدمتكم و سنجيبكم في كل وقت