تعريف و أسباب الثقة بالنفس بالهجة التونسية - الجزء الأول

مقال باللهجة التونسية 
تطوير الثقة بالنفس 
أسباب نقص الثقة بالنفس 
كيفاش نعلي ثقتي بنفسي 
كيفاش نكتشف روحي و نطور شخصيتي 
شنيا أسباب عدم الثقة بالنفس


الجرء الأول

1-تعريف الثقة بالنفس بالهجة التونسية 2-أسباب نقص الثقة بالنفس 

1- تعريف الثقة بالنفس 

           الثقة بالنفس هي حاجه متتعطاش و ما ينجم حتي حد في العالم هذا يمدهالك  على خاطرها موجوده فيك منداخل  و المفروض عليك  تخرجها ،
الثقة بالنفس  هي موجوده في الإنسان من  أول لحظه يولد فيها  و المحيط لي تربي فيه الصغير و لي خذا منه مبادأ حياته هو لي يتحكم في ثقته بنفسه مادام صغير  و كي يكبر  هو قادر يغير نظرته لنفسه و ثقته بيها من خلال برشا حاجات تساعده
العلماء منيم حاولوا يعرفوا الثقه بالنفس بداو يشوفوا شكون هو بالضبط  الإنسان  لي عندوا نقص في ثقته  بنفسه و لي هو هاذاكا لي  يفكر ديما  بسلبيه   لي  يحس  ديما بنقص في ذاته و لي ما يشوفش الحاجات لي هو متمكن فيها  و لي تميزه على بقيته الناس و لي يحس بأنوا ما ينجم يعمل حتي شي في حياتوا و لي يحكي بشوي قدام الناس  و لي ما يشوفش في وجوه الناس و لي يحشم برشا   و  ننتقلوابالتالي للثقه بالنفس و لي هي الإحساس بالإيجابيه  و القدرة علي فعل كل شيئ و الثقه بالإمكانات لي يملكها الفرد و التفكير  و القدره علي النقاش  و إدارة الحديث بصفه عامه و الجرأة

2- أسباب نقص الثقة بالنفس 

بعد ما عرفنا الثقه بالنفس نشوفوا شنيا هي الأسبابها و لي هي برشا حاجاة و أولها
الإحساس بالنقص :
    أكثر حاجه ممكن تدمر ثقة الإنسان بنفسه هي أنوا يحس بنقص في ذاته مقارنه بالناس المحيطه بيه مثلا كي يشوف شكون عندوا برشا فلوس  و إلا سيارة فخمه  و إلا تلفون باهي  و إلا حتي من ناحيه الشخصية مثلا  شكون أزين منه و إلا أحسن منه في الكلام و تسويته لأموروا في حياتوا ، الحاجات هذي كي يوصل الإنسان و ياقف عليها و يقارن نفسه مع الناس هذوما و يلقي روحوا بعيد برشا عليهم يحس بالنقص و لي يولد بالتالي نقص في ثقته     بنفسه ❗ لكن  العمليه هذي لي يقوم بيها هو غالط علي طول الخط علا  علي حاطر ثقة الإنسان بنفسه ما تتبناش علي  الحاجات لي تنقصوا مقارنه بالناس لخرين ↩ ثقة الإنسان بنفسه تخرج من  داخلوا ↩ من الحاجات لي متمكن فيها ↩ من الحاجات لي تميزه علي الناس ↩  من الحاجات لي قدمها و لي باش يقدمها للمجتمع .. لازموا يشوف للجاتب الإيجابي في حياتوا ..الجانب المتفرد بيه .. الجاتب لي يعطيه شحنه لعليلوا مكاتتتوا في المجتمع .. لازمه يشوف و يحكي مع روحوا مثلا يقول .. أنا متفوق في دراستي .. عندي خدمه مكفيتني و جريت عليها .. عندي عايله واقفه معايا .. عندي زوجة كنز في حياتي .. عندي أولاد مشرفيتي فالتربيه و القراية .. عندي طريقتي في الكلام تخليني نتعامل بشكن صحيح مع غيري و نقضي أموري علي أكمل وجه .. عندي أخلاقي .. عندي عقل يخدم ..  عندي صحة جيده  .. عندي و عندي و يعدد الحاجات لي يمتلكها و الحاجات لي متفرد بيها و كي يكمل توا يشوف لي ثقته بنفسه بدات تتبنى و لي هو بدا يخرج من التفكير بالنقص
.. ثما قصة طالب كان يقرا في جامعة معروفه بأنها يقراو فيها كان لي لاباس عليهم و إلا من أعيال عندهم مكانه ، لكن الطالب هذا كان فقير لكن متفوق في الثانوي و دخل لجامعه هذيكا بمنحة فكان كي يرجع مالقرايه مع صحابوا يشوف لي هوما ديارهم فخمه لكن هو يعيش في دار متواضعه و حي فقير لذلك كان ثما دار موش بعيد علي دارهم برشا كانت هي زادا فخمه فكان يقلهم لي هي دارهم هذيكا  و يهبط مالكار و يمشي بقية الثنيه علي رجليه لكن علاش هكا علاش التخمام هذايا  موش ممكن يزيد ثقته بنفسه قدام صحابوا بالدار هذيا ❗ لا و لا زادا ❗ لازمك تقول و تخلي الحاجه هذي ديما في قلبك و تفكيرك لي صحابي إذا ما قبلونيش علي حقيقتي و علي الواقع متاعي و علي مكانتي الإجتماعية منحبش نكون بيناتهم  علي خاطر إذا زيت الواقع متاعك قادامهم  هذوكا كان مشوا معاك و حبوك علي مصلحه  خاطر فلوسك و إلا منصبك و إلا مكانتك في المجتمع لكن الأصحاب  لي لازمك تقبلهم هوما هذوكا لي يحبوك علي حقيقتك و يحبوا شخصيتك الطبيعية موش المزيفه
عدم معرفة الأمور لي تميزنا علي بقية الناس :
  ناخذوا مثال الشباب لي يقلد في مشطات الشعر و في طريقة اللباس و إلا تتصرفات أي ممثل أو مغني و يضن لي المظاهر هذي تنجم تزيد ثقته بنفسه لكنها لا ،، الثقه بالنفس موش باللباس الغالي و التلفون الباه و الكرهبه المكرية
و حتي لي تملكها
هذي كلها حاجات سطحية و  ماهيش حل حتي الواحد يتخبه وراها باش يزيد ثقته بنفسه
يعني لازمك تقول أنا ثيقتي بنفسي تخرج مني منداخل من قيمتي

المقالة الجايه  على فوائد الثقة بالنفس حتي تكون ليك دافع أكثر حتي تحصل على شخصية قوية و ثقه بنسك عالية

نرجوا أن تكون قد إستفدت من هذه المقالة و  لا تنسوا أن  تطلعوا على المقالات التالية و أيضا المقالات السابقة و إن كان لديكم  بعض الإستفسارات و الأسألة في هذا الموضوع أو في غيره من المواضيع المنشورة في هذا الموقع  فنحن في خدمتكم و سنجيبكم في كل وقت

مواضيع أخري

طريقة تجعلك تتخلص من جميع المشاكل مع إبنك المراهق

ما سبب تمتع المرأة بتفكير أحسن من الرجل

تربية الأبناء و طريقة تجعلك أنت و إبنك تحبان بعضكما جدا

أربعة أشياء تجعل زوجي يحبني بجنون




نرجوا أن تكون قد إستفدت من هذه المقالة و  لا تنسوا أن  تطلعوا على المقالات التالية و أيضا المقالات السابقة و إن كان لديكم  بعض الإستفسارات و الأسألة في هذا الموضوع أو في غيره من المواضيع المنشورة في هذا الموقع  فنحن في خدمتكم و سنجيبكم في كل وقت