أساليب تعلم الإنقليزية باللهجة تونسية
لكن قبل ما نبدوا لازمك أول شي تنحي من مخك حاجه إسمها نحب نتعلم فيسع و إذا ما نحتهاش بالحق نقلك راك بتتعب و موش لازم تكمل يعني إذا شفت شكون يقلك تعلم الإنقليزية في ثلاث أيام و إلا أربعه و إلا خمسه و إلا حتي عشر أيام لازمك تعرف لهو يجلبلك في الإنتباه فقط و في الأيمات هذوكا بتعيش في ضغوطات كبيره و كيما عندنا مثل تونسي يقول كل شي يجي مع بعضوا يمشي مع بعضوا يعني ماكش محصل شي في الأخير
عندنا مشكله كبيره عند برشا تلامذه و طلبه يعني تلقى طالب قرا سنه سادسه إبتدائي عام إنقليزية و بعدها كيفكيف قراها ثلاثه سنوات في الكلاج و بعدها أربع سنوات في الثانوي و بعدها ثلاثه سنوات في الجامعه يعني حداش عام هو يقري فى الإنقليزيه و كي يحكي بيها ما ينجمش يركب جمله كامه بالصحيح
هذي مشكله ما نجموش نعمموها لكنها موجوده و بصفه كبيره و الطلبه هذوما منيم يعرفوا لي الإنقليزيه لوغه مهمه في حياتهم و في خدمتهم يضطروا يعملوا formation باللفلوس
لازمك تحط في بالك الإنقليزية هي لوغه عالمية و موجوده في كل مجال تحب تتعلمه إعلامية طب قانون كيمياء فيزيك و غيرها و غيرها
في النقاط التاليه بنذكرولكم في كل نقطه حاجه لازمك تخدم بيها لأنها بتعاونك برشا باش تتعلم الإنقليزية بالصحيح
🔸 كيما حكينه في أول المقاله لازمك تكون صبور و ما تستعجلش
🔸 لازمك تحب اللوغه و تحاور تلقي أسباب حتي تتعلق بيها
🔸 لازمك تنحي السنوات لقريت فيها الإنقليزيه الكلها من بالك و تبده من الصفر يعني م الأحرف و الإعداد و ما دخلش cours قريته قبل في cours لباش تقراه و إذا كنت ما قريتش إنقليزيه قبل فهذا أحسن ليك
🔸 لازمك تسمع برشا محادثات بالإنقليزيه لأنها تعاونك برشا باش تولي تنطق الأحرف و الكلمات بالطريقه الصحيحه
🔸 تحاول تتكلم مع شكون يحكي إنقليزيه و تكون هي لوغته الأم و إذا ما نجمتش ميسالس إستغل حاجه أخرى و لهي تكثر الحوار مع الأستاذ لي قري فيك لأنك في الحاله هذي تساهم في ترسيخ اللغه أكثر عندك و إذا ثم أخطاء هو يعاونك و يصلحلك
🔸تهبط برانامج في التلفون متاعك و تبدي تحفظ كلمات جديده كل يوم عدد معين و ثابت و تراجه ديما و مع الوقت تكثر مفرداتك و تولي بشوي بشوي ما تحصلش في الحورات و المحادثات و كل مره يزيد يتحسن مستواك أكثر
🔸تعمل برشا تمارين و تشوف روحك تحسنت و إلا لا
🔸إذأ بديت تحكي ما تركش الجمله بالعربيه و بعدها تقوم بترجمتها حرفيا هذيكا طريقه غاطه لازمك تخمم فيها بالإنقليزيه علي خاطر كل لوغه و التركيب متاعها و الخاص بيها
🔸النظام هو الأساس في الكراس لي تقرى بيها و تتبع المراحل من غير ما تحرق حتي هي مهمه يعني ما تتعداش مرحله حتي لوكان إنت متميز فيها
🔹هذي كانت نقاط تعاونك باش تتعلم اللغة الإنقليزية بالصحيح و بصفه أسرع وأسهل
المقاله التالية باش تون في الفتره منيم تلقي روحك متميز في الغة الإنقليزية كيفاش تحافظ عليها عندك و كيفاش تتحصل علي شهاده معتمده في الإنقليزية تعاونك باش تقري لبرا وإلا تخدم و لي هي تنجم تتحصل عليها في عدة معاهد بريطانية في تونس لكن بعد إختبارات
نحن باش نحكوا علي الإختبارات هذي و كيفاش تحضر روحك ليها و كيفاش تختار المستوي الخاص بيك
ليست هناك تعليقات:
إرسال تعليق