الباك bac
نصائح للمؤجلين في الدورة الرئسية للباكلوريا باللهجة التونسية نصايح للي طايح contrôle في الباك في تونس كيفاش ننجح في الباك و إنت طايح كنترول أسباب عدم النجاح في الباك في الدورة الرئيسية principale باللهجة التونسية
خويا ، أختي ما تحط شي في بالك ... ما نجحتش prinsipale و الله ما هي مشكلة كبيره أما المشكلة لكبيره أنك توقف في البلاسه هذيكا و تقول ماماعادش بش ننجح توا ... المشكله إذا تقول سيي ماماعادش عندي أمل في النجاح .. خويا أختي حتي و لو شفت صحابك فرحانين بنجاحهم و إنت قاعد تريفز لدفوارات متاع controle ما تحط شي في بالك وقتها و تفكر إلي أنت تخدم حتي تقول أنا زادا نجحت سنا و فرحت أمي و بويا و عايلتي .. أنا زاد خدمت و لقيت إلي خدمتوا .... ما تخممش كيما برشا تلامذه إنهم ما نجحوش علي خاتر ماريفزوش بالباهي ممكن أنت مريفز و أمورك باهيا أما منجحتش علا خاترك stressė برشا أو ممكن زادا منجحتش علي خاترك خايف و إلا موش متعود علي ظروف التعديه هذيكا .. برشا إحتمالات تخليك ماتنجحش لذا خمم شنوا إلي أثر عليك و منيم تلقاه خمم علي حل حتي تتجاوزه و ماعادش يكون عند effet عليك وقت التعديه .. إذا كنت stressė أخرج حوس في بلاصه تحبها فرهد روحك شوي أو ماتقولش كيفاه ماني نضيع في الوقت علي روحي لكن توا تشوف منبم ترجع للدار و تبدا تريفز تو تلقا روحك متجاوب مع الكور ومخك عندو قابلية أكثر إنوا يستوعب و إذا كنت خايف ماهيش مشكله تفكر الحجات الباهيه اللي بصيرلك كي تنجح و تفكر الحياة الجامعية اللي تستني فيك و تفكر اللي الكرسي اللي قاعد عليه قعد عليه قبلك أطباء و أساتذه و معلمين و كلهم نجحوا و إنت جا دورك حتي تسير في طريق هذاكا و تبني مستقبلك توا وقتها يمشي الخوف عليك و تقول إلي أنا قادر إني ننجح كيما وصلت للباك نجم نوصل للجامعه و نتخرج و نعمل مسيره باهيه في حياتي ... خويا و أختي نحب نقلكم حتي تعرفوا إلي ماثما حتي فرق من إنك تنجح prinsipale و إلا contrôle نفس الشهادة بتاخذها في الحالتين و نفس المستوي إلي بجيك فيها صحيح إلي ثما شعب ممكن تتنحا أما بالحق ماهيش مشكلة .. نخليكم توا و مانتولش عليكم و نتمنالكم النجاح من كل قلبي و نقلكم ربي معاكم bon courage 💪💪 🙌🙋 و إذا ثما شكون عندوا أي إستفسار يقللنا عليه في تعليق توا نجاوبوه
نرجوا أن تكون قد إستفدت من هذه المقالة و لا تنسوا أن تطلعوا على المقالات التالية و أيضا المقالات السابقة و إن كان لديكم بعض الإستفسارات و الأسألة في هذا الموضوع أو في غيره من المواضيع المنشورة في هذا الموقع فنحن في خدمتكم و سنجيبكم في كل وقت
ليست هناك تعليقات:
إرسال تعليق