الجزء الثالث
الحب و الزواج بالهجة التونسية
لحب كيف يستمر
كيفاش نتعامل مع لي نحبوا 💚
إذا جا نهار و حبيت بنيه و إلا عندك شكون في حياتك لازمت تحرس و تسأل لحب كيف يستمر يعني كيفاش نتعامل مع لنحبوا حتي نخلي العلاقه بيناتنا ديما موجوده
كي تحب بني لازمك : 🔸 تسأل عليها و تحكي معاها حتي تحسسها إلي إنت ديما قريب منها و بجنبها و هكاكا تستانس بيك أكثر أما موش تلازمها برشا لأنوا يقلقها و أول حاجه تساهم في أنوا بني تكرهك و من بعد تفارقك هي كي توصل تقلق منك
🔸 أهديلها حاجه تحبها كل مره لأنها بالحق طريقه غير مباشره تزيد تقربكم لبعضكم و تزيد قيمتك في حياتها
🔸 خلي روحك علي طبيعتك معاها و حكيلها عليك بصراحه و ما تستعملش التضليل معاها و إلا لكلام موش صحيح على حياتك
🔸 ما تكثرش عليها الأسؤله و خليلها ديما مساحه في حياتها خاصه علي خاتر كل واحد عندوا حاجات متعلقه بينوا و بين روحوا ما يحبش يطلع عليهم حد كيفك أنت أما تقولش لا و لي أنت لي في قلبك علي لسانك علي خاترك في الحاله هذي ماكش صحيح و لي ثما حاجات مدفونه في قلبك متحب حتي حد يشوفهم هذاكا علاه كيما تعطي مساحه لروحك خليها لغيرك
🔸 كون حنين معاها و ديما تفكرالعباره هذي لحب لمن كان احن
🔸تبسم في وجهها و ما تخليهاش تمل القعده معاك
🔸قلها كلام حلوا أما رد بالك تتمايع معاها علي خاتر ما تنساش لي أنت مازلت ما كتبتش عليها لصداق و عرستوا لذا هي قاعده كيما أي بني أخري و إنوا لا الدين و الا العادات و لا المجتمع يحللك الحاجات هذي
🔸 تحترمها و قدرلها مشاعرها
هكا تعرفنا على عدة نقاط إجابه علي سؤال لحب كيف يستمر وو الحبا
المقاله التاليه هي إستكمال للمقاله هذي و فيها بنتعرفوا على الحاجه لولا من الحاجتين المهمين لي حكينا عليهم في آخر المقاله الثانيه
أجزاء الموضوع
المقالة الأولى : شنوا الحب الرابط هنا
المقالة الثانية : كيفاش نختار شريكة حياتي الرابط هنا
المقالةب الثالثة : كيفاش نتعامل مع لنحبوا الرابط هنا
المقالة الرابعة : أهم حاجه لازمها موجوده بين المحبين الرابط هنا
المقالة الخامسة : حاجات مهمه تعبر بيها عن حبك الرابط هنا
ليست هناك تعليقات:
إرسال تعليق